Çfarë bëjmë
Punojmë me kondicionerë, sisteme ngrohjeje, ventilim dhe filtrim ajri, për banesa, biznese dhe ambiente industriale. Një pjesë e mirë e punës sonë janë projekte të plota, ku sistemi mendohet që në fazën e ndërtimit dhe zbatohet nga i njëjti ekip që e ka projektuar.
Kemi zbatuar instalime në apartamente e vila, në lokale, restorante, farmaci, zyra dhe dyqane, si dhe ventilim industrial në fabrika e kapanone.
Si punojmë
Dallimi midis një instalimi që zgjat dhe një që prishet brenda dy sezonesh qëndron te hollësitë që nuk duken: vakuumi i qarkut përpara mbushjes, pjerrësia e kullimit të kondensatit, dimensionimi i saktë i pajisjes për ambientin.
Kjo është arsyeja pse çdo propozim e nisim me matje dhe llogaritje, dhe pse ju themi hapur kur një riparim nuk ia vlen dhe zëvendësimi është zgjidhje më e mirë.
Ku punojmë
Baza jonë është në Tiranë dhe punojmë edhe në Lezhë. Për projekte më të mëdha na kontaktoni për të diskutuar vendndodhjen.